एसिया कप छनौटका लागि १९ सदस्सीय टोलीको घोषणा

|
एसिया कप छनौटका लागि १९ सदस्सीय टोलीको घोषणा

आगामी अगस्ट २९ देखि शुरु हुन लागेको एसिया कप क्वालिफायरका लागि १९ सदस्सीय प्रारम्भिक टोलीको घोषणा भएको छ । प्रशिक्षक जगत टमाटा तथा कप्तान पारस खड्काले गरेको चयनमा मलेसियन प्रिमियर लिगमा उत्कृष्ट प्रदर्शन गरेका अलराउन्डर सागर पुनले स्थान बनाउँदा शरद भेषवाकर भने चोटका कारण अटाउन सकेनन् ।

भारतका अपूर्व देसाई एसिया कप क्वालिफायर खेल्ने नेपाली टोलीको ब्याटिंग प्रशिक्षकका रुपमा नियुक्त भएका छन् । नेदरलयाण्ड्स भ्रमणलाई आफ्नो अन्तिम विदेश भ्रमण बताएका स्पिनर शक्ति गौचन तथा नेदरलयाण्ड्ससँगकोे एकदिवसीय खेलमा चोट बोकेका शरद भेषवाकरलाई टिममा समावेश गरिएन ।

नेपाली टोलीका टेक्निकल एनालिस्ट रमन शिवाकोटीका अनुसार शरदलाई पुनः खेल मैदानमा उत्रिन करीब ४ हप्ता समय लाग्नेछ । अगस्ट १४ बाट नेपाली टोलीको बन्द प्रशिक्षण शुरु हुनेछ भने अगस्ट २० मा टोली अभ्यास खेलका लागि श्रीलंका प्रस्थान गर्ने कार्यक्रम रहेको छ । उक्त बन्द प्रशिक्षणबाट अन्तिम १५ सदस्यीय टोली घोषणा गरिनेछ ।

छनोट प्रतियोगिता आगामी भदौ ११ देखि २२ गतेसम्म मलेसियामा हुँदैछ । उक्त प्रतियोगितामा युनाइटेड अरब इमिरेट, हङकङ, नेपाल, सिंगापुर, मलेसिया र ओमानबीच प्रतिस्पर्धा हुनेछ ।


नेपाली टोली

पारस खड्का
ज्ञानेन्द्र मल्ल
सुबास खकुरेल
सन्दिप लामिछाने
बसन्त रेग्मी
आरिफ शेख
दिपेन्द्र सिंह ऐरी
सोमपाल कामी
किशोर महतो
बिनोद भण्डारी
ललित नारायण राजबंशी
सागर पुन
करण केसी
अनिल कुमार शाह
सुशन भारी
ललित सिंह भण्डारी
रोहित कुमार पौडेल
सुनिल धमला
प्रदिप ऐरी