डीपीएल अक्सन पुस २१ मा, कुल २०५ खेलाडी अक्सनमा जाने

|
डीपीएल अक्सन पुस २१ मा, कुल २०५ खेलाडी अक्सनमा जाने

आगामी माघ अन्तिम सातादेखि शुरु हुन गइरहेको धनगढी प्रिमीयर लिगको तेश्रो संस्करणको लागि खेलाडीको अक्सन यही पुस २१ गते शनिबार हुने भएको छ । अक्सनका लागि कुल २०५ जना खेलाडीले आफ्नो नाम दर्ता गराएको आयोजकको प्रेष विज्ञप्तिमा उल्लेख छ ।

प्रत्येक टोलीले कुल १५ जना खेलाडी छान्नुपर्नेछ जसमा १ जना एक ट्यालेन्ट हन्टबाट आउनेछन् भने दुई जना विदेशी खेलाडी हुनेछन् । एक खेलाडीको न्यूनतम ३० हजारदेखि अधिकतम रु दुई लाख ५० हजारसम्मको बोली लगाइनेछ ।

कुल ६ टोलीको सहभागिता रहने यो प्रतियोगिता आगामी माघ २६ देखि फागुन ११ गतेसम्म धनगढीको ड्रिम फाप्ला क्रिकेट मैदानमा सञ्चालन हुनेछ । यसअघिको संस्करणमा धनगढी टिम चौराहा विनयी भएको थियो जसको कप्तानी सोमपाल कामीले गरेका थिए ।